Kryeministri Edi Rama ka reaguar menjëherë pas deklaratës së kreut të SPAK lidhur me akuzat e lëshuara në drejtim të këtij institucioni gjatë fjalës së mbajtur në Asamble.
Përmes një postimi në FB, Rama thotë se, SPAK, “për kampionët e korrupsionit në drejtësi s’ka lëvizur ende gishtin”.
“Meqë ka marrë përsipër të sqarohet SPAKU do të duhej të sqaronte pse reagoi rrufeshëm për një kallëzim absurd për një vepër penale imagjinare të njeriut të shpallur nga DASH kampion i antikorrupsionit, ndërkohë që për kampionët e korrupsionit në drejtësi s’ka lëvizur ende gishtin! Unë nuk i heq asnjë presje asaj që deklarova sot dhe nuk mjafton që SPAKU të thotë se e paska pushuar çështjen, pasi faktikisht e mori peng gjykatësin në fjalë pa asnjë arsye në botë, duke i shkuar praktikisht pas avazit Armikut NR.1 të Reformës në Drejtësi, Ilir Metës”, shkruan Rama.
