Është mbyllur në barazim 1-1 pjesa e parë mes Partizanit dhe Tiranës, sfidë e vlefshme për javën e 33-të të Kategorisë Superiore.
Fillimisht në avantazh kaluan të kuqtë e Mehmetit në minutën e 20-të. Një harkim nga e djathta shkon te Junior i cili ul topin për Skukën. Ky i fundit me një roveshatë spektakolare dërgon topin në rrjetë.
Supergolit të Skukës, iu përgjigj Seferi në minutën e 28-të. Pasim i Përgjonit nga e majta për Seferin i cili kalon Alban Hoxhën dhe barazon shifrat.
Një fraksion i parë i lojës i kontrolluar kryesisht nga “Demat” të cilët kanë pasur disa raste për shënim, por Cara dhe Mala nuk kanë arritur të konkretizojnë.
