Ish-ministri i Drejtësisë, Ylli Manjani ka ironizuar procesin e zgjedhjes së Presidentit të ri.
Sipas Manjanit, procesi që trumbetohet nga mazhoranca si transparent, nuk ka qenë kurrë më parë kaq sekret.
“Kaq i hapur është proçesi i zgjedhjes së Presidentit të Republikës, saqë një javë para ditës së votimit në Parlament nuk dihet kush është kandidati/kandidatët!!! Në asnjë proces të mëparshëm nuk ka qenë kjo situatë. Publiku e ka ditur kohë më parë sesa të bëhej votimi në Parlament se kush garon. Tjetër gjë kush fiton, por kandidatët kanë qenë të njohur në publik. Edhe kur përzgjidhet një drejtor dihet paraprakisht se kush garon. Kurse kandidatët për kryetar të shtetit nuk i di askush! Me t’thënë mendja se po zgjedhin Papën këto shejtanër… Qesharakë”, shkruan Manjani në një postim në FB.
