Deputetët e Partisë Demokratike vijojnë të ndjekin axhenda të ndryshme. Pas mbledhjes së Enkelejd Alibeaj zhvilloi një ditë më parë në selinë blu me disa deputetë demokratë, këtë të Premte, Oriola Pampuri ka lajmëruar datat e mbledhjeve të ardhshme të kryesisë së grupit parlamentar të PD-së.
Si “zëdhënësve e grupit parlamentar të PD-së”, Oriola Pampuri shprehet se “në vijim të kërkesës së bërë ditën e djeshme dhe njoftimeve të bëra nga sekretari i Grupit, sot, më 6 maj 2022, ora 09:15, në mbështetje të nenit 16 të Rregullores së Kuvendit të Shqipërisë dhe neneve 5 dhe 6 të Rregullores së Grupit Parlamentar të Partisë Demokratike, në ambientet e Zyrës së Grupit pranë Kryesisë së Kuvendit, u mblodh Kryesia e Grupit Parlamentar të PD-së, e cila pasi diskutoi çështje të axhendës parlamentare, me shumicë votash, vendosi: Kryesia e Grupit të PD-së do të mblidhet rregullisht çdo javë, ditën e premte, ora 09:15. Mbledhja e Kryesisë do të zhvillohet jashtë radhës ditën e hënë, datë 9 maj 2022, ora 09:15”.
Por, Komisioni i Rithemelimit e cilësoi mbledhjen e djeshme “nul”. Sipas komisionit, Alibeaj është shkarkuar në Kuvendin e 30 Prillit të Partisë Demokratike.
Nga ana tjetër, Alinbeaj vijon të marrë pjesë në komisionet parlamentare dhe seancat plenare si kryetar i grupit parlamentar të PD-së.
