Fejnordi është padyshim, “Hirushja” e Ligës së Konferencës! Holandezët arritën të siguronin një biletë për finalen e madhe të 25 majit në Tiranë, ku do të kenë përballë Romën e Joze Mourinjos. Të dyja skuadrat do të japin gjithçka në fushën e “Air Albanias”, për ta bërë për vete këtë trofe historik.
Por kjo nuk është hera e parë që Feynoord, do të luajë në Tiranë. Holandezët kanë qenë mysafirë para 31-vitesh në ish-stadiumin “Qemal Stafa”, ku u përballën me Partizanin, në sfidën që përfundoi me rrjeta të paprekura.
Bëhet fjalë për sezonin 1991/1992. Ky duel ishte i vlefshëm për turin e parë të Kupës së Kupës. Partizani asokohe drejtohej nga Sulejman Starova dhe kishte në përbërje shumë emra të rëndësishëm të futbollit shqiptar. Për më tepër shikoni përmbledhjen e ndeshjes Partizani-Fejnord, të zhvilluar në “Qemal Stafa”.
