Në nëntor të 2018-ës, Dritan Shoraj, u shndërrua nga një profesor i vlerësuar në Universitetin e Tiranës në një trafikant droge, i akuzuar si pjesë e një karteli shqiptar, përgjegjës për shitjen e disa kilogramëve kokainë mes Milanos dhe Venedikut.
Pothuajse katër vjet nga kjo akuzë, për të cilën ai ishte arrestuar, Gjykatën e Apelit të Trentinos, ka shqiptuar vendimin duke rrëzuar akuzën dhe duke e çliruar pedagogun nga vepra penale qv e çoi pas hekurave. Kjo do të thotë se Dritan Shoraj nuk ka qenë personi që akuzohej si trafikant droge.
Vendimi i plotë i Gjykatës së Apelit do të jepet pas 70 ditësh, ku do të mësohen më shumë detaje.
Një kilogram kokainë e blerë dhe shitur në zonën Sandonatese më 2 maj 2000, ishte akuza që e çoi profesorin në një dënim prej 4 vjet e 20 ditë burg.
Pedagogu u arrestua në kuadër të operacionit “Pineta”, i cili pasoi me dhënien e dënimeve për disa persona, mes të cilëve edhe për Dritan Shorajn. Ky i fundit akuzohej se ishte pjesë e një grupi që do të gjente drogën në Shqipëri, do organizonte transportin me rrugë detare drejt Italisë, ku edhe do të shitej.
Në fillim të viteve 2000, Shoraj ishte kthyer në vendlindje ku kishte ndërtuar një karrierë jashtë çdo dyshimi të mundshëm, deri në hapin përfundimtar ku ai ishte një nga tedagogët në katedrën e Ekonomisë në Universitetin e Tiranës.
Ai gjithashtu u angazhua si një ekspert dhe konsulent dhe iu afrua një ekipi në Partinë Demokratike. Në Shqipëri, për më tepër, dualizmi i tij me ministrin e Brendshëm Saimir Tahiri kishte mbushur prej muajsh faqet e gazetave vendase.
E gjithë kjo ndodhte, ndërkohë që në Itali tre gjykata (shkalla e parë dhe e dytë në Venecia dhe Kasacioni në Romë) po vulosnin patentën e tij si trafikant droge.
Në burg, profesori kontakton avokatin Pietro Someda, i cili merr një rishikim të gjyqit duke paraqitur dokumente me të cilat vërteton se në të njëjtat ditë në të cilat prokuroria e akuzonte, profesori ishte në një shtrat spitali për shkak të një aksidenti.
“Më përmendën emrin për të shpëtuar një person tjetër që më pas u arrestua po njësoj – komentoi pedagogu – kështu që unë shkova në burg pa bërë asgjë. Sot kam rilindur dhe dua të shijoj lirinë time”.
“Unë jam ende në shok – vazhdoi ai – e gjithë jeta ime ka ndryshuar, por tani do t’i rikthehem mësimdhënies”. Në Sandonati? “Nuk kam qenë kurrë atje. Në Itali kam qenë vetëm në Firence për tre vjet”.