Presidenti Ilir Meta ka kujtuar 5 Majin, Ditën e Dëshmorëve.
Meta shprehet se dëshmorët e atdheut janë frymëzim për të ndërtuar një të ardhme më të mirë për Shqipërinë.
Postimi i presidentit Ilir Meta:
5 Maji është një ditë kujtese dhe nderimi për Qemal Stafën dhe mijëra të rinj e të reja që dhanë jetën për kauzën e Lirisë.
Sot është edhe një ditë e madhe frymëzimi për të ndërtuar një të ardhme më të mirë të Shqipërisë dhe për të qenë gjithmonë vigjilentë në mbrojtje të Sovranitetit, Lirisë dhe Pavarësisë.
Lavdi të përjetshme Dëshmorëve të paharruar të Atdheut!