Partizani fitoi dje 1-2 në transfertë me Kukësin. Sfida vlente për javën e 32 në Superligë, me Demat e Mehmetit që marrin të vetëm vendin e tretë këtë sezon. Dopieta e Junior ka bërë që Partizani të sigurojë tri pikë me vlerë, që vijnë pak ditë para derbin me Tiranën që luhet të shtunë në 18:45 në “Elbasan Arena”.
Në këtë duel, sërish ra në sy loja e mirë e Xhuljano Skukës. I afruar te Partizani në merkaton e janarit, 23 vjeçari ka shënuar 10 gola dhe ka dhënë 7 asiste këtë sezon, paçka se e ka herën e parë që luan në elitën e Shqipërisë.
Në Gol pas Goli, pas ndeshjes gazetari Ylli Aga ka treguar se lojtari vlen 500 mijë euro, me drejtuesit e Partizani që nuk kanë dëshirë ta shesin, duke aluduar për një ofertë të mundshme në adresë të sulmuesit.
“Vlen 500 mijë euro por Partizani nuk e largon në merkato. Ka besim te aftësitë e tij”, tha Aga mes të tjerash. Kujtojmë se Skuka me Partizanin ka kontratë deri në qershorin e 2024.