Presidenti Ukrainas Zelensky, në një fjalim të transmetuar në Kuvendin e Shqipërisë, kërkoi nga pala shqiptare që të kufizohen turitët rusë në vend gjatë zezonit veror, si edhe të mos pranohen anijet ruse. Pas fjalimit të Presidentit ukrainas, foli kryeministri Edi Rama, i cili gjatë ligjërastës së tij nuk i ceku kërkesa e Zelensky-t.
Nga ana e tij, kreu i qeverisë ftoi për pushime në Shqipëri ukrainasit pas përfundimit të luftës.
“I dashur miku ynë Presidenti Zelensky, e kujtoj shpesh këto kohë bisedën tonë në Kiev dhe dëshirën tuaj që Shqipëria të bëhej vendi ku ukrainasit të kishin shtëpi të dyta për pushimet e tyre. ‘Jemi shumë afër për të qenë kaq larg!’, thatë ju me kënaqësinë e dikujt që ka zbuluar një vend të bukur pranë shtëpisë. Të gjithë e dimë tanimë se kjo luftë mund të mos jetë e shkurtër, ashtu sikundër çdo ditë që kalon, me tmerre të reja, e zgjat ende më shumë shtegun shumë të ngushtë drejt paqes. Por unë e besoj sinqerisht zoti President, se nëse sot në Shqipëri po vijnë ukrainasit që ikin për të mbrojtur fëmijët e tyre nga lufta, nesër dëshira juaj, që ata të vijnë këtu, në shtëpitë e tyre të dyta, për të kaluar pushime të gëzuara familjarisht, do të bëhet realitet”, tha Rama.
Po ashtu, kryeministri tha se lufta në Ukrainë i kujton atë të Kosovës dhe premtoi se Shqipëria do të jetë në konferencën e donatorëve për Ukrainën për të dhënë edhe ajo kontributin e saj.
“Edhe pse mizorinë e kësaj lufte nuk mundet ta perceptojë sa e si duhet askush tjetër, përveç popullit ukrainas, më lejoni t’ju them i nderuar President Zelensky, se historia jonë e afërt, kur gjysmë milionë shqiptarë u shpërngulën me dhunën e spastrimit etnik, nga trojet e tyre në Kosovë dhe gjetën strehë në Shqipëri, na ndihmon sidoqoftë të ndjejmë nga larg dhimbjen e madhe të Ukrainës”, tha Rama.
“Ne kemi besuar qysh në fillim, se nëse në aspektin e mbështetjes material, vendi ynë nuk mund të bëjë asnjë diferencë në këtë luftë. Shqipëria mund të jetë e vlefshme për Ukrainën me zërin e saj, qoftë në tryezën e NATO-s, qoftë në tryezën e Këshillit të Sigurimit të Kombeve të Bashkuara, ku kemi pasur nderin të jemi edhe bashkënismëtarë të disa qëndrimeve domethënëse kundër agresionit rus. Pasnesër, më 5 Maj, Shqipëria do të jetë e pranishme edhe në Konferencën e Donatorëve, për Ukrainën të thirrur nga Polonia në Varshavë, ku do të japim edhe ne kontributin tonë modest”, deklaroi Rama.
Disa ditë më parë, Rama mohoi mundësinë e ndalimit të turistëve rusë në vend.
Në një konferencë për gazetarët, Rama u pyet: Duke qenë se jemi në kuadër të sezonit turistik Shqipëria ka lehtësuar hyrjen për shtetasit e huaj në Shqipëri, përfshirë dhe ata rusë, pra ata mund të futen pa viza. Mendoni se duhet rishikuar kjo pasi influencat ruse në këtë momente janë shumë prezente?
“Jo nuk mendoj”, u përgjigj shkurtimit Rama.
Lexo edhe:
A do të ndalohen turistët rusë? Balla: Shqipëria do veprojë nëse e thotë BE
