Komisioneri i BE-së për Zgjerimin, Oliver Varhelyi viziton sot Tiranën. Në një postim në Twitter, ai ka zbuluar detaje nga takimet që ka pasur paraditen e të enjtes.
Fillimisht eurokomisioneri është ndalur në një takim me aktorët e përfshirë në procesin e vetingut.
“E nisa vizitën time me një shkëmbim të mirë me institucionet #vetting dhe #ONM sot në Tiranë. Rikonfirmova mbështetjen e plotë dhe të fortë të BE-së.
Integriteti i gjyqtarëve dhe prokurorëve është çelësi për të ardhmen e Shqipërisë në BE. Sulmi ndaj organeve të vettingut dhe anëtarëve apo familjeve të tyre duhet të ndalet!”, shkruan Varhelyi.
