Ish-shefi i Komisariatit të Himarës, Arjan Tase ka fituar pafajësinë në Gjykatën e Rrethit Gjyqësor Vlorë, këtë të mërkurë.
Tase u përball me akuzën e shpërdorimit të detyrës ne janar 2021, në kuadër të finalizimit të operacionit të koduar “Hapësira”.
Në atë kohë, prokurori i çështjes Maksim Sota, (i arrestuar për korrupsion nga SPAK-u në korrik 2021 në kuadër të operacionit “Shpirti”, pretendoi se Tase ne detyrë e shefit te Komisariatit të Himarës dhe shefin e krimeve Artur Veshaj me anë të veprimeve dhe mosveprimeve kishin lejuar kultivimin e lëndëve narkotike në territorin që administronin.
Në vendimin përfundimtar në ngarkim të tij, Gjykata e Vlorës çmoi se nuk ekzistonin prova të mjaftueshme që e lidhnin Tasen direkt apo indirekt me trafikun apo kultivimin e lëndëve narkotike.
Arjan Tase kishte kërkuar me herët gjykim të shqyrtuar dhe gjykimi ndaj tij ka përfunduar veçmas 40 të dyshuarve të tjerë të ndaluar nga operacioni. Në pretencën e prokurorit Arjan Xhaferraj, theksohej ndër të tjera se nga përgjimet telefonike dhe ambientale nuk ka prova, të cilat të faktojnë shpërdorimin e detyrës.
Tase është një prej 6 efektivëve të Policisë të përfshirë në dosje. Ai aktualisht mban detyrën e shefit të SPZve në Elbasan, pasi Gjykata e Apelit në Vlorë vendosi rikthimin e tij në detyrë pak muaj më parë.
42 persona u arrestuan në operacionin e Policisë më 14 dhjetor 2020 ku nën akuzë ishin edhe katër efektive policie, mes tyre edhe Arjan Tase.
Gjykata e Apelit rrezoi masën detyrim paraqitje dhe rikthim ne detyrim, ndërsa tashmë Tase ka fituar edhe pafajësinë.
