Trajneri i Paris Saint-Germain, Mauricio Pochettino e sheh gotën gjysmë plot. Argjentinasi ka folur në një konferencë për mediet pas barazimit 1-1 ndaj Lens, që u dhuroi parizienëve matematikisht titullin e 10-të të Ligue 1.
Pochettino theksoi se tifozët nuk duhet ta mbajnë mendjen te eliminimi nga Champions League, tekniku shkon më tej duke iu theksuar mbështetësve të PSG-së, se klubi i tyre i preferuar nuk e ka fituar kurrë titullin e kompeticionit më të madh për klube.
“Kemi marrë tre trofe në më pak se 18 muaj pavarësisht vështirësive, mendoj se kemi shumë merita. Është e vërtetë se një klub si Paris Saint-Germain, veçanërisht pas ecurisë së viteve të fundit, të ketë ambicie të mëdha. Megjithatë ky është një klub që nuk e ka fituar asnjëherë më parë Championsin. Mendoj se ne kemi bërë një arritje historike duke fituar titullin e 10-të të Ligue 1.”-deklaroi Pochettino.
Ishte kjo mënyra se si tekniku zgjodhi t’u përgjigjet tifozëve të PSG-së pas kritikave dhe vërshëllimave që këta të fundit “i dhuruan” PSG-së pas eliminimit në raundin e 1/98-ave nga Champions League nga Real Madrid.
