Mediet greke kanë publikuar fotot dhe emrat e 7 personave, të arrestuar si anëtarë të një grupi kriminal në Greqi, që dyshohet se ka grabitur 1.4 milionë euro nga llogaritë bankare të grekëve nëpërmjet mashtrimeve elektronike.
Pjesëtar i grupit kriminal është edhe një shtetas shqiptar, Ilia Matellari 25 vjeç.
Protothem.gr shkruan se grupi kriminal ka kryer 231 mashtrime elektronike në të gjithë vendin që nga nëntori i 2020-ës, duke grumbulluar 1.400.000 euro.
Mashtruesit u arrestuan më 13 prill nga policia e Igumenicës , në kuadër të një operacioni të zhvilluar me forcat vendase të Ushtrisë Çlirimtare të Greqisë në Patra, Tripoli dhe Argolidë.
Të arrestuarit janë 25-vjeçari Panagiotis Moschos nga Nafplio, 20-vjeçari Vassilios Moschos nga Argos, 38-vjeçari Christos Karagounis nga Nafplio, 40-vjeçari Georgios Magga nga Peleta Arcadia, 25-vjeçari Ilia Metellari nga Shqipëria, 26-vjeçari Thepanistrolis M dhe 51-vjeçari Michael Karagiannis nga Sparta.
Gjithashtu janë proceduar penalisht 15 persona që dyshohet të kenë lidhje me mashtrimet elektronike.
Organizata kriminale u çmontua pas një hetimi shumë mujor nga Sigurimi i Igumenicës .
Janë verifikuar të dhënat e 117 poseduesve të llogarive bankare të cilëve u janë vjedhur paratë nga grupi kriminal .
Mashtrimet kryheshin kryesisht përmes njoftimeve për shitjen e automjeteve, mallrave e shërbimeve të tjera.
Autorët kanë kontaktonin me telefon me viktimat dhe i merrnin kodet personale të llogarive të tyre bankare, nga të cilat transferonin para në llogaritë e bashkëpunëtorëve të tyre dhe kryenin tërheqje përmes bankomatit.
