Prokuroria e Posaçme Kundër Korrupsionit dhe Krimit të Organizuar gjatë vitit 2021 ka përdorur përgjimet për 1500 persona, 179 prej të cilëve kanë përfunduar të arrestuar dhe në 129 çështje.
Në raportin e publikuar nga SPAK, pas dyshimeve dhe hetimeve në disa çështje penale janë përgjuar 1957 paisje dhe numra telefoni.
“Gjatë vitit 2021, për veprat penale nën hetim nga Prokuroria e Posaçme, janë interceptuar rreth 1500 subjekte përgjimi (autorë të dyshuar apo që kanë dijeni për vepra penale), 1957 pajisje fundore (pajisja/numri telefonik i subjektit në përgjim) ku është rezultuar në ndalimin e rreth 179 personave të dyshuar për kryerje të veprave penale”, thuhet në raportin e SPAK.
