Interi në finalen e Kupës së Italisë pas një gjysmëfinaleje të luftuar me Milanin në Derbin e Madonninas. Zikaltërit iu falën Lautaro Martinez në superformë që kompletoi një nga ndeshjet më të mira të sezonit ndërsa mbrojtja arriti të rezistonte ndaj kuqezinjve që shpërdoruan shumë në harkun e 90 minutave.
Ndeshje që nisi menjëherë më gazin në maksimum kur Lautaro shënoi një nga golat më të bukur të karrierës për të shtangur ekipin e Piolit që dalëngadalë nisi të bëhej i rrezikshëm me Leao e Kessie por në momentin më të mirë të Milanit, argjentinasi i Interit kapi edhe një herë në befasi mbrojtjen e “Djallit”.
Benaccer shkurtoi diferencën në minutën e 67 por goli u anullua për pozicion të parregullt dhe sfida mori një drejtim pa kthim pasi Gossens shtoi edhe të tretin Në 180 minutat bë total, Interi kualifikohet bazuar edhe në barazimin pa gola të ndeshjes së parë ku Milani ishte skuadra e shtëoisë dhe pret me qetësi verdiktin e gjysmëfinales tjetër, Juventus-Fiorentina për të mësuar emrin e kundërshtarit të finales së 11 majit.
