Ish-kryetari i PD, Lulzim Basha tha se ka pasur vetëm dy komunikime me kryeministrin Edi Rama, në vitin 2020 dhe 2021, e ato kanë qenë për dy raste ngushëllimesh.
Basha iu përgjigj interesit të mediave jashtë Kuvendit për një deklaratë që bëri në Kongresin e PS, kryeministri Rama.
Ai zbuloi se i ka çuar një mesazh Bashës, ku i ka thënë për gjendjen ku do përfundonte opozita, por se kishte gabuar në parashikimin e tij me një vit.
Pyetje: Në Kongresin e PS, kryeministri Rama ka deklaruar se ju ka bërë me dije me anë të një mesazhi se opozita do shkonte në këtë gjendje, por ka gabuar vetëm me një vit. Si i përgjigjeni ju?
Basha: Këto janë gënjeshtra tipike të njerëzve që duan të heqin vëmendjen nga thelbi, është një gënjeshtër.
Ka pasur komunikim në dy ngushëllime, një në vitin 2020 e një vitin e kaluar për dy humbje respektive në familje, këto kanë qenë komunikimet e mia me Ramën.
