Partizani arriti një fitore fantastike me përmbysje përballë Teutës me shifrat 3-1 në “Elbasan Arena”.
Miqtë ishin ata që kaluan të parët në avantazh me Ivanoviç, por të kuqtë kthyen rezultatin.
Pas një goditje këndi nga të kuqtë, me topin që përfundon në këmbët e Skukës do të vinte fillimisht goli i barazimit.
Pjesa e dytë do të ishte më e mirë për djemtë e Dritan Mehmetit të cilët tentuan për të gjetur golin e avantazhin, që do të vinte në minutën e 53-të nga Bitri, i cili pas një rrëmuje në zonën e Qirkos do të mposhte këtë të fundit për të çuar shifrat 2-1.
Skuka do të kërkonte të shënonte dopietë në këtë takim por tentativat e tij lënë për të dëshiruar, t4eksa nga krahu tjetër durrsakët do të përgjigjeshin me Blerim Kotobellin por pa mundur të ndëshkonin Hoxhën.
Në minutat shtesë të takimit demat e Mehmetit do të gjenin edhe golin e 3-të, pasi Miroslavljev shfrytëzon largimin nga porta të Pao Qirkos dhe i dhuron golin e tretë Partizanit.
Kështu Partizani futet në garë për Europën dhe nëpërmjet kampionatit, ndërsa nga ana tjetër, Teuta rrezikon të bjerë nga kategoria.
