Ditë e shënuar për Partizanin. Në 7 prill 1946, të kuqtë luajtën ndeshjen e parë zyrtare ndaj 17 Nëntorit (Tiranës) dhe arritën të fitonin me rezultatin 2-0.
Në atë sfidë miqësore të kuqtë luajtën për herë të parë me fanellat që lexonin “Partizani” dhe mposhtën Tiranën falë golave të shënuar nga Pengili dhe Teliti. Skuadra në atë kohë drejtohej nga Sllave Llambi dhe në fushë zbriste ky formacion: Çobani, Tepelia, Dibra, Fagu, Kavaja, Pengili, Hoxha, Sakiqi, Bylyku, Demneri.
Kjo do të ishte edhe ndeshja e parë që “ndezi” një rivalitet historik me dy skuadrave që vazhdon edhe në ditët e sotme.
Një vit më vonë, Partizani debuton në ligën e parë të kampionatit shqiptar dhe në fund arrin të shpallet kampion, ndërsa po në këtë vit mposhtën “17 Nëntorin” (Tiranën) me rezultatin e thellë 8-0. Më pas sukseset për Partizanin ka qenë të mëdha, pasi ka fituar 16 tituj kampionë, 15 Kupa dhe 2 Supekupa, ndërsa kanë fituar edhe një Kupë Ballkanike në 1970.
