Biznesmeni gay Elton Ilirjani, i cili jeton prej vitesh në SHBA, ka reaguar ashpër ndaj komenteve negative që janë bërë në rrjetet sociale kundër ambasadores së SHBA-së, Yuri Kim.
Ilirjani ka sulmuar në postimet e tij disa gazetarë, analistë, politikanë dhe artistë që kanë bërë deklarata të ashpra për Yuri Kim.
“Me shqetësim të madh dhe herë herë me inat kam përcjellë deklaratat e disa shqiptarëve me urrejtje kundër SHBA dhe shkëlqesisë së saj, ambasadores së SHBA-së në Tiranë! Janë disa gazetarë, analistë, politikanë, artistuca etj. Të gjitha këto deklarata në mbrojtje të dikujt që është ‘non grata’”, shkruan Ilirjni përmes një postimi në rrjetin social “Instagram”.
“Pa SHBA nuk do të kishte Shqipëri dhe shqiptari dhe as Kosovë të pavarur”, thotë më tej biznesmeni.
“Shfletoni historinë e 100 viteve të fundit! Nëse SHBA largohet nga Shqipëria ju zogj të zhurmshëm do duhet të mësoni serbisht, greqisht, bullgarisht dhe rusisht si gjuhë të dytë. Këtë dëshironi ju? Por nuk e dëshiron shumica absolute e shqiptarëve. Ju jeni verbuar nga interesa korrupsioni, inati personal për ndonjë vizë të refuzuar dhe katundarie që fatkeqësisht vazhdoni ta mbani në ballin tuaj”.
“Atdhetarucë të shtirur! Injoranca juaj nuk ka kurim!”– përfundon biznesmeni gay reagimin e tij.
