E ardhmja e Robert Lewandowski-t te Bayern Munich është ende e pasigurt, por sulmuesi polak nuk ka ende ndonjë mendim për largimin e tij tani.
Që nga sezoni 2019/ ’20, Lewandowski ka qenë lojtari më i mirë në botë duke fituar shumë çmime me klubin bavarez dhe individuale, si dhe duke thyer rekorde golashënuesish. Forma e tij fizike është gjithashtu diçka për të cilën duhet duartrokitur, i cili është i ndikuar masivisht nga partnerja e tij Ana Levandovski.
Por me gjithë sa u tha, kjo nuk do të thotë se Lewandowski është ndoshta i destinuar të qëndrojë në Mynih për një kohë shumë të gjatë. Bajerni ka hezituar të zhvillojë bisedime me të për momentin për një rinovim kontrate.
Në një intervistë për ‘Focus Magazine’, Lewandowski është pyetur për një transferim të mundshëm të Erling Halandit te kampionët e Gjermanisë, një emër që është sjellë dhe diskutuar disa herë në Bavari.
Financiarisht, transferimi nuk është i realizueshëm, megjithatë, Bajerni është gjithashtu i hutuar nëse duhet të negociojë sërish me agjentin e polakut, Pini Zahavi, i cili ka krisur marrëdhëniet me drejtuesit e klubit gjerman që nga transferimi i David Alabasë.
“Pyetja për Halandin nuk duhet të më ofendojë mua”, tha Lewandowski për “Focus”. “E di shumë mirë vlerën time dhe gjithmonë mendoj se lojtari më i mirë duhet të luajë”.
Ngurrimi i Bajernit për të rinovuar me golashënuesin më të mirë në Bundesligë, pak a shumë e ka zemëruar lojtarin. “Mund të luaj edhe për disa vite. Ndihem mirë dhe trupi po më përgjigjet mirë”, tha Leva.
Duke folur për formën e tij fizike, Robert beson se mund të luajë për më shumë vite. Që kur mbushi 30 vjeç, Lewandowski ka pasur një raport më të lartë të golave për lojë sesa kur ishte në të 20-at. Forma e madhe fizike që e bën sulmuesin të vuajë shumë pak nga dëmtimet.
Kjo formë i atribuohet më së shumti gruas së tij, e cila është kampione e karatesë dhe nutricioniste e famshme.
“Nëse jam në kulmin tim në moshën 33-vjeçare, atëherë mund të vazhdoj për më shumë vite. Ndryshimi në dietën dhe programin e stërvitjes që kam filluar me gruan time në atë kohë ka ardhur në realizim. Durimi ka shpaguar dhe po shpërblehemi. Shpresojmë të qëndrojë kështu edhe për një kohë të gjatë. Kam ende shumë gjëra për të fituar. Në sezonin aktual jemi 9 pikë larg vendit të dytë dhe luajmë në çerekfinale të Champions-it. E dimë që jemi të fortë dhe që mund të sjellim në Mynih të dy këta trofe, çka do të ishte diçka fantastike për tifozët tanë”, përfundoi bomberi polak.
