Një 40-vjeçar i shpallur në kërkim nga policia është arrestuar në orët e para të mëngjesit të sotëm.
Alfred Hithi nga fshati Dritas në Zall Herr u vu në pranga nga policia pasi ishte dënuar me 5 vite burg për prodhim dhe shitje të lëndëve narkotike.
Njoftimi i policisë:
Vijon puna për kapjen e personave të shpallur në kërkim. Finalizohet operacioni policor i koduar “Zall-Herr”, i zhvilluar nga Komisariati i Policisë Nr. 5.
Vihet në pranga 1 shtetas i shpallur në kërkim kombëtar për veprën penale “Prodhimi dhe shitja e narkotikëve”.
Shërbimet e Komisariatit të Policisë Nr. 5, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, organizuan dhe finalizuan operacionin policor të koduar “Zall-Herr”.
Në kuadër të këtij operacioni u bë kapja dhe arrestimi në flagrancë i shtetasit:
– Alfred Hithi, 40 vjeç, banues në fshatin Dritas, në Zall-Herr.
Ky shtetas ishte shpallur në kërkim, pasi Gjykata e Rrethit Gjyqësor Tiranë e ka dënuar me 5 vjet burgim, për veprën penale “Prodhimi dhe shitja e narkotikëve”.
