Janë marrë në pyetje 10 persona, në lidhje me vrasjen e Iljaz Çalit në autostradën Tiranë – Durrës.
Mes personave që janë marrë në pyetje është edhe një 50-vjeçar, që iu kishte borxh një milionë dollarë vëllezërve Çali.
Mbrëmjen e djeshme, policia ka marrë në pyetje 50-vjeçarin RR.D. 50-vjeçari, gjatë marrjes në pyetje, nuk ka mohuar borxhin.
Ai ka deklaruar se viktimës i kishte 350 mijë euro borxh, pasi i kishte marrë minierën e kromit në Bulqizë për të punuar.
Sipas 50-vjeçarit RR.D., kromi vijon të jetë ende në galeri dhe nuk ështe hequr që andej.
Ai mohon të ketë lidhje me vrasjen dhe pretendonte se mbrëmjen e së dielës ishte në banesë.
