Arrest në burg ka caktuar Gjykata Penale e Tiranës për Eduart Lamin që u arrestua dy ditë më parë, pas kontrolleve te ushtruara për vrasjen e Lulzim Vishes.
Në disa ambiente në pronësi të Lamit dhe kushëririt te tij Ervis Lami që u shpall ne kërkim, policia gjeti një arme zjarri si dhe municione. Ndaj Lamit rendon akuza e armëmbajtjes pa leje.
Kujtojmë se Lulzim Visha u gjet i vrarë brenda makinës së punës më 24 janar 2025 nga një banor i zonës.
Viktima, i cili punonte në një postë private, ishte nisur për në punë dhe është qëlluar 200 metra larg banesës së tij.
Policia me të mbërritur në vendin e ngjarjes, arriti të gjente 12 gëzhoja në automjetin ku ndodhej viktima.
Çfarë deklaroi i dyshuari?
Më herët Eduart Lami ka deklaruar se nuk ka pasur konflikte me familjen e viktimës:
“Nuk kemi pasur konflikt me familjen e viktimës. Në dijeninë time nuk kemi pasur asnjë debat apo përplasje. Nuk e di për pjesëtarë të tjerë të familjes nëse kanë pasur konflikte me dy vëllezërit Visha. Por unë personalisht dhe nga ajo çfarë di unë nuk kemi pasur konflikte”, ka deklaruar Eduart Lami.
Si u zhvulluan hetimet?
Fillimisht hetimet u shtrinë në pistën e hakmarrjes pasi viktima, ishte vëllai i Besnik Vishës, emër i njohur për policinë. Ky i fundit, në vitin 1997 ka vrarë me armë zjarri Refik Domin, ngjarje e ndodhur në afërsi të Universitetit Bujqësor të Tiranës.
Megjithatë, për shkak të viteve të largëta kur ka ndodhur kjo ngjarje, hetimet u shtrinë edhe në pista të tjera.
Eduart Lami, 37 vjeç, u ndalua gjatë një operacioni të koduar “Silenciatori”, ndërsa Evis Lami, 31 vjeç, është shpallur në kërkim. Sipas njoftimit zyrtar, arrestimi i 37-vjeçarit u krye për veprat penale “Mbajtja pa leje dhe prodhimi i armëve, armëve shpërthyese dhe e municionit” dhe “Prodhimi, mbajtja, blerja apo shitja pa leje e armëve të ftohta”.
Sipas ekpertizës gëzhojat që janë gjetur në vendin e ngjarjes përkojnë me armën që u gjet tek makina e djegur në Zall Herr. Gjithashtu e njëjta model arme u gjet gjatë kontrollit në banesën e Ervis Lamit
Lexo edhe:
Hetimet për vrasjen e Lulzim Vishës/ Zbardhet dëshmia e autorit të dyshuar: S’kemi konflikte
