Gjykata e Korçës ka lënë në burg Jani Kallanxhi, që u arrestua, për shkak se akuzohet për ngacmim seksual ndaj vajzës së tij të mitur.
Mësohet se 61-vjeçari ka ngritur alibi, duke thënë se vajzën e mitur ia kanë ngacmuar persona të tjerë.
Ai ka deklaruar që vajzën ja kishte marrë para disa ditësh pronari i një lokali me bashkëshorten, sepse donin t’i bënin një surprizë.
“Kam dyshime që ata mund ta kenë ngacmuar vajzën”, është shprehur Kallanxhi para Gjykatës.
Kallanxhi ka deklaruar gjithashtu se ka kërkuar ndihmë nga bashkia, prefekti dhe shoqata të ndryshme për ushqime e për ta çuar vajzën në Tiranë, pasi është e sëmurë.
Prokuroria e Korçës ka deklaruar se akuzat e 61-vjeçarit për përfshirje të personave të tjerë në këtë abuzim ndaj të miturës janë alibi e tij. I vetmi person i vënë nën akuzë për ngacmimin e vajzës, dokumentuar edhe me prova filmike e dëshmi, është i ati i saj.