Identifikohet viktima e atentatit të ndodhur në aksin Tiranë-Durrës. Nga raportimet mësohet se viktima është identifikuar si Iljaz Cali, 37 vjeç, banues në Rinas të Ri.
Ndaj tij është qëlluar me breshëri automatike në afërsi të kthesës së Rinasit.
Mjeti me të cilin ai po lëvizte ishte marrë me qira në Rinas. Policia ka ngritur postoblloqe në disa zona dhe po këqyr kamerat e sigurisë për të zbuluar më shumë detaje rreth ngjarjes.
“Më datë 03.04.2022, në autostradën Tiranë-Durrës, në rrethana ende të paqarta, është qëlluar me armë zjarri drejt një automjeti tip “Land Rover” dhe si pasojë ka ndërruar jetë drejtuesi i mjetit.
Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorit/ëve. Në bashkëpunim me DVP Durrës, Elbasan e Lezhë janë ngritur menjëherë pika kontrolli në rrugët interurbane”, bëri me dije policia.
