Shoqëria civile dhe dhjetëra qytetarë në Vlorë kanë protestuar këtë të diel kundër projektit të Sheshit të Flamurit.
Protestës i janë bashkuar edhe qytetarë nga rrethe të ndryshme të vendit, që thanë se sheshi më i rëndësishëm në Vlorë po tjetërsohet.
Ata kërkuan transparencë për projektin që po zhvillohet për këtë shesh, duke thënë se nëse cenohet Sheshi i Flamurit, rrënohet një pjesë e historisë së Vlorës dhe e Shqipërisë.
Protestuesit kanë deklaruar se tubimet do të vazhdojnë deri sa të arrihet shembja e objekteve të ndërtuara në këtë shesh.
Ata kanë njoftuar se protesta e radhës do të mbahet më 7 prill, ditën e enjte.
“Do mblidhemi prapë këtu. Do jemi edhe më të organizuar. Do bëjmë një peticion online. Do dërgojmë edhe një kërkesë-padi. Do mblidhemi me 7 prill pasi është ditë simbolike për historinë tonë. Datat dhe historia nuk zhbëhen se erdhi ky kryeministër”, tha një nga pjesëmarrësit në protestë.
