Dy shqiptarë, që akuzohen se janë përfshirë në rritjen dhe kultivimin e kanabisit në një fermë me vlerë deri në 400 mijë paund, janë lënë të lirë nga një gjykatë në Skoci.
Policia ndaloi Alfred Dimon dhe Julien Beqajn, që punonin nëpër fermat e kanabisit, shkruajnë mediat britanike.
Të arrestuarit kanë thënë se janë mbajtur në ferma kundër dëshirës së tyre dhe se janë detyruar që të punojnë si kopshtarë.
Megjithatë, ata u lanë në burg për 10 muaj në pritje të gjykimit. Alfred Dimo 43 vjeç dhe 20-vjeçari Julian Beqaj akuzohen për prodhim e kanabisit në Muirhead, Lanarkshire të Skocisë.
Pasi gjykata shqyrtoi provat, ata u lanë të lirë pasi u deklaruan të pafajshëm, pasi ekzistonte një mundësi e madhe që të dy shqiptarët të ishin viktimë e trafikut të qenieve njerëzore.
Policia e Skocisë tha se bimët e kanabisit të sekuestruara kishin një vlerë deri në 400 mijë paund.
Avokati i Dimos tha se klienti i tij ishte i kënaqur me vendimin dhe se do të kthehej në Shqipëri.
