Policia e Beratit ka arrestuar Aleksandër Agaçin, i shpallur në kërkim kombëtar dhe ndërkombëtar për veprën penale “Vrasja e dyfishtë”, e mbetur në tentativë në Itali.
Agaçi njihet si shqiptari me 4 emra, shtetasin Aleksandër Agaçi, Aalias Aleksandër Agaci, Palush Alushi apo me emrin grek Kusar Kusaris.
“Ky shtetas ishte shpallur në kërkim, pasi Gjykata e Apelit Vlorë ka caktuar rikthimin e tij në burg, për të vuajtur pjesën e mbetur të dënimit, 1 vit e 6 muaj burg, duke konvertuar kështu vendimin e dhënë nga autoritetet italiane, për veprën penale “Vrasja e dyfishtë”, mbetur në tentativë, e kryer në shtetin italian”, njofton Policia.
Aleksandër Agaçi 48 vjeç është banues në Fier.
Agaçi u transferua në ambientet e DVP Fier, për veprime të mëtejshme.
