Autoriteti Rrugor Shqiptar do të vendosë sinjalistikë të re rrugore në tre rajone sipas nevojës që ka secili prej tyre dhe për këtë ka vënë në dispozicion një fond limit prej 331 milionë lekësh apo rreth 2.6 milionë euro.
Konkretisht bëhet fjalë për tre procedura të shpalluara në sistemin e Agjencisë së Prokurimit Publik ku i pari ai me objekt “Përmirësimi i sinjalistikës horizontale, vertikale dhe pajisjeve të sigurisë rrugore në akset e Rajonit Verior, Loti 1 (2022)” me fond limit 191 milionë lekë. Në dokumente është saktësuar se ky fond është i vlefshëm për tre vite buxhetore. Konkretisht sinjalistika parashikon segmentet rrugore Rreps – Shpal – Gjegjan – Kthesa Hadroj, Sh30, 37.5 km, segmenti Lezhë – Vau Dejës, 31.8 km, Shkodër Hani Hotit SH1 (E762), 33.5 Km, Tamarë – Vermosh SH20, 33.3 km; Degëzimi Doganë – Dogana Vermosh, 3.4 km, ndriçimi i kryqëzimeve të rrezikshme, Blinisht/Fishtë, Gjadër/Kodhel, Bushat dhe ai Pukës.
Procedura e dytë është ajo mbi përmirësimin i Sinjalistikës Horizontale, Vertikale dhe Pajisjeve të Sigurisë Rrugore në Akset e Rajonit Jugor, Loti 3. Fondi limit për këtë procedurë është rreth 166 milionë lekë. Tek rrugët që do të mbulojë ky projekt është kryqëzimi Qendër Rrogozhinë – Bishti i Zhurit Kryqëzimi prej 4.2 km, Fier Shegan Divjakë 36.5 km, Autostrada Levan – Vlorë23.5 km, Nyja Levan – Kufij Mallakastër (kryqëzimi Malas) 42.4 km. Ndriçimi i disa kryqëzimeve të Rrezikshme në segmentin rrugor Nyja Levanit- Kufij Mallakastër (kryqëzimi Malas): Kryqëzimi Klos; Kryqëzimi i Cakranit; Kryqëzimi i Frakull e Madhe; Kryqëzimi i Cerveni.
Procedura e tretë është “Përmirësimi i Sinjalistikës Horizontale, Vertikale dhe Pajisjeve të Sigurisë Rrugore në Akset e Rajonit Qëndror Loti 2 (2022)” me një fond limit rreth 166 milionë lekë dhe që mbulon rajonin e Tiranës, Tapizën, Maminas.
/Monitor.al/
