Pas uljes së çmimit për disa ditë, çmimi i naftës është rritur përsëri në Kosovë. Një litër naftë tani kushton nga 1.59 euro deri në 1.69. Dita e sotme nuk ka filluar aspak mirë për të gjithë shoferët në Kosovë. Mëngjesin e sotëm çmimi i karburanteve është rritur jashtëzakonisht shumë.
Në shumë prej pompave të derivateve në vend çmimi për litër në diesel ka arritur në 1.69 cent, kurse për Benzinë deri në 1.59 cent.
Sipas përfaqësuesve të Shoqatës së Naftëtarëve është thënë gjithmonë se çmimi i derivateve në vend përcaktohet në bazë të Berzës dhe OPEC, por pavarësisht uljes së çmimit nga këto të dyja tek ne qytetarët janë duke u furnizuar me çmime ekstreme.
Që nga nisja e luftës në Ukrainë, çmimi i naftës në botë ka shënuar rritje të madhe. Në Kosovë arriti në vlera rekorde prej mbi 1.8 euro.
Nga Shoqata e Naftëtarëve kanë paralajmëruar se s’do të ketë stabilitet të çmimeve në tregun e karburanteve deri në përfundim të luftës në Ukrainë.
Të martën u raportua për rënie të çmimeve të naftës në tregjet ndërkombëtare, për shkak të avancimit të bisedimeve në mes të Rusisë dhe Ukrainës.
Ngritja tejet e lartë e çmimit të derivateve nisi pikërisht kur Rusia filloi sulmet ndaj Ukrainës.
Me të vazhduar këto sulme, çmimet veçse rriteshin edhe më tepër.
Ndryshe para dy ditëve çmimi në litër për diesel ishte 1.55 cent kurse për Benzinë 1.30 cent./MONITOR
