Nuredin Dumani nuk ka qenë shtetasi i vetëm i arrestuar gjatë operacionit të RENEA-s në Fier. Policia ka shoqëruar edhe një femër.
Identiteti i saj nuk bëhet i ditur, por mësohet se ajo ka qenë e pranishme në momentin kur policia ka arrestuar Dumanin, i cili ka qenë i plagosur si pasojë e atentatit të dështuar ndaj shtetasit Talo Çela.
Ndërsa sa i përket mënyrës sesi u arrit të zbulohej vendnndodhja e Nuredin Dumanit, gjithçka shpjegohet me anë të një telefonate të bërë drejt spitalit të Fierit ku thuhej se një person i plagosur kishte nevojë për ndihmë. Kaq ka mjaftuar që forcat speciale të shkojnë në vendndodhjen që u dhanë mjekët për të verifikuar se personi i plagosur ishte i shumëkërkuari, Nuredin Dumani.
Në spitalin Rajonal të Fierit, mësohet se kanë zbarkuar shefat e krimeve të Elbasanit, Fierit dhe Tiranës.
