Ish-banorja e “BBV”, Sarah Berisha ka folur në “Wake Up”, ka treguar një pjesë nga biseda me babain e saj, i cili i ka kërkuar të mësojë ecurinë e njohjes së tyre.
“Unë kam takuar vetëm mamanë e PM dhe motrën e madhe, ndërsa PM ka takuar babin brenda Bigut ndërsa mamin e ka takuar 5 minuta në rrugë. Mami kishte qejf ta takonte se thoshte kam qenë fansja e PM. Kur kam dalë, nuk më kishte pyetur fiks se si po shkon se e di që vihem në siklet. Kemi qenë në kafe një ditë e më thotë, po me PM si po shkon. Kjo ndodhi 2-3 javët e para pasi kam dalë”- tha Sarah.
Më tej, ajo tha se prindërit ndodh të mërziten pasi nuk shkon shpesh në Durrës dhe pushimin që ka ia dedikon PM.
“Këtë periudhë, duke qenë se PM vjen shumë shpesh këtej, kur vjen ia dedikoj të gjithë kohën atij. Në Durrës shkoj vetëm në fundjavë ose shkoj e kthehem brenda ditës”, tha moderatorja.
