Tommaso Dini 50-vjeç, agjent imobilar italian ka mbetur i vrarë pasi është goditur disa herë me thikë gjatë natës midis të shtunës dhe të dielës.
Një shqiptar, Ilir Leba, ka rënë në prangat e policisë italiane pasi akuzohet se është autori i këtij krimi të rëndë.
Pasi ishte goditur me thikë nga shqiptari, biznesmeni italian u shtrua në spital po nuk mundit t’u mbijetonte plagëve të rënda që kishte marrë.
Burri kishte lëndime në gjoks dhe këmbë kur mbërriti në spital. Më pas ishte një operacion delikat, i cili u zhvillua mëngjesin e së dielës, por pavarësisht kësaj 50-vjeçari italian ndërroi jetë.
Në të kaluarën duket se ka pasur mosmarrëveshje në vendin e punës mes agresorit dhe viktimës. Kjo rezulton se ka sjellë edhe aktin fatal.
I arrestuari është një murator banues në Scandicci dhe është ortak në një kompani ndërtimi së bashku me vëllain e tij. Ai jeton prej shumë vitesh në Itali dhe ka disa procedimi në policinë italiane.
