Kryetarja e LSI, Monika Kryemadhi deklaroi se qeveria është përgjegjëse sot për rritjen e çminimeve të produktet e shportës.
Në fjalën e saj në Kuvend, Kryemadhi theksoi se 40% e popullsisë shqiptare jeton nën minumimin jetik.
“Sot produktet e shportës janë rritur me 30%, çmimi i bukës është rritur me 20 lekë por jo vetëm në çmim është ulur dhe në peshë. Nafta me 236 lekë, kemi krijuar një bord, e qan lartmadhnia historinë e bordeve, strukturë mbi strukturë, strukturë mbi strukturë. Realisht mbi 40% e popullsisë shqiptare jeton nën minumimin jetik”, tha ajo.
Kryemadhi tha se ka kërkuar të mblidhet këshilli i emergjencës.
“Në 24 shkurt, po në këtë foltore kam kërkuar dhe ju kam thënë lërini këto deklaratat përkrahëse, se me thënë deklaratat e parlamentit tonë ishin më të forta se deklaratat e presidentit amerikan Biden dhe NATO-s. Por kam kërkuar që të mblidhet këshilli i emegjencës, në mënyrë të tillë sepse do të ishin pasojat më të mëdha që do t’i ndjenim në ekonomi në bukën e përditshme sepse mbi 90% e importeve shqiptare vinin nga Serbia. Duke pasur parasysh që Serbia ishte një nga vendet që nuk do të vendoste asnjë lloj sanksioni në marrëdhënie me Rusinë. Për të mos vazhduar pastaj me çmimin e naftës apo për të mos vazhduar me ngritjen e çmimeve që janë të lidhura drejtpërsëdrejti me ndërtimin dhe që kanë impakt të menjëhershëm tek qytetarët”, tha ajo.
