Një person ka humbur jetën si pasojë e shembjes së një galerie kromi në Tropojë këtë të Shtunë, konfirmoi policia.
Ndërkohë, dy minatorë dyshohet se janë të bllokuar.
“Rreth orës 11:55, në fshatin Lajthizë – Njësia administrative Bytyq, është shembur një galeri, ku për pasojë ka humbur jetën një shtetas A.D., 41 vjeç, banues në Tropojë dhe dyshohet se brenda saj janë bllokuar dhe dy punonjës”, njoftoi policia.
Grupi hetimore dhe ambulanca ndodhen në vendin e ngjarjes, për t’ju ardhur në ndihmë personave të bllokuar, shtuan të njëjtat burime.
