Kryeministri Edi Rama deklaroi këtë të Shtunë se “dy pika karburanti kanë shkelur rregullat e luftës”, duke nënkuptuar se nuk kanë respektuar vendimin e bordit Kombëtar të Administrimit të Karburantit – ent i ngritur për përcaktimin e shitjes së çmimit të naftës në pompa.
“Sapo më njoftojnë se janë dy pika karbutanti që kanë shkelur rregullin e luftës. Do shkojnë inspektorët, do shkojë policia se kanë shkelur rregullin e luftës. Do përballen me pasojat”, tha Rama gjatë një takimi me fermerë në periferi të Durrësit.
Më herët, Rama, i cili duket se ka veshur edhe kostumin e një inspektori hidrokarburesh, ka paralajmëruar se kush nuk respekton vendimin e bordit, “humb pikën e karburantit”.
