Caleb Ekuban do të largohet nga Genoa. Ish sulmuesi i Partizanit disa vite më parë, firmosi gjatë merkatos së verës një kontratë 3-vjeçare me skuadrën italiane, por sezoni i tij të parë në Itali ka rezultuar një dështim. 27-vjeçari nga Gana ka luajtur 25 ndeshje këtë edicion dhe ka shënuar vetëm dy gola duke mos bindur aspak drejtuesit e Genoa që kanë vendosur ta huazojnë sezonin e ri.
Genoa bleu sulmuesin Kelvin Yeboah në merkaton e janarit për shkak se Ekuban nuk kishte bindur aspak me paraqitjet e tij dhe për këtë arsye kanë vendosuar ta huazojnë. Për momentin nuk dihet ende se cila do të jetë skuadra e tij e re, por me shumë mundësi, sulmuesi mund të rikthehet në kampionatin turk, aty ku shkëlqeu me Trabzonspor.
