Ish-ministri i Mbrojtjes, Arben Imami foli në Çim Peka Live në Syri Tv, për ‘klubin e 21 janarit’, atë që ai e quan bashkëpunimi i PS me disa njerëz në PD, për të marrë pushtetin me dhunë në vitin 2011.
I pyetur nëse Basha është pjesë e këtij grupi, Imami u përgjigj duke thënë se shkaku i humbjes së zgjedhjeve në 2013, 2017 dhe 2021 duhet kërkuar te klubi i ’21 janarit’.
“Ajo që ka ndodhur me përjashtimin personal të Sali Berishës, ka ndodhur me përjashtimin personal të secilit prej nesh. Shkelja është parimore, kur shkelet për njërin shkelet për secilin. Unë e dija që do t’i vinte radha Sali Berishës. Unë ia kam thënë në zyrë që do t’i vinte dita dhe ia kam shpjeguar edhe pse. Për shkak të ‘klubit të 21 janarit'”, u shpreh Imami.
Pjesë nga intervista
Çim Peka: Çfarë është ‘klubi i 21 janarit’?
Arben Imami: Kam parasysh një bashkëpunim midis një grupi njerëzish brenda PD, duke nisur nga presidenti dhe emërime të tjera dhe PS-së, për një marrje të pushtetit në rrugë të kombinuar, dhunës, presionit mediatik dhe përdorimit të institucionit të presidentit.
Po zoti Basha ku hyn këtu?
Arben Imami: Ka një grup njerëzish që kanë bashkëpunuar. Rrënjët e 2013, 2017 dhe 2021, duhen kërkuar atje. Ku hyn, duhet ta thotë ai.
Çim Peka: Zoti Basha ka qenë pjesë e atij grupi?
Arben Imami: Nuk e di, nuk mund ta them. Por mund të thuash që s’ka qenë një nga përfituesit kryesorë të asaj që ndodhi aty? Është akuzuar ndonjëherë zoti Basha për 21 janarin? Është akuzuar vetëm Berisha. Si ministër i Brendshëm ishte përgjegjësi direkt, sigurisht.
Çim Peka: Te libri i Bamir Topit, te pjesa e dëshmisë së tij të 21 janarit, që zoti Berisha ma solli Bashën për të biseduar. Unë bisedova me zotin Basha që Berisha nuk duhet mbrojtur dhe zoti Basha më tha keni të drejtë por çfarë t’i bëj Saliut…
