Man. City dhe Guardiola pësojnë një “goditje” në Premier League. Në momentin kur Liverpool po bëhet një kërcënim shumë i madh për ta në garën për titull, sot Citizens u ndalën në një barazim të shëmtuar ndaj Crystal Palace në fushën e këtyre të fundit.
Skuadra e Patrick Vieira bëri një paraqitje heroike duke i rezistuar qarkullimit dhe dominimit karakteristik të lojës së Guardiolës.
Në pjesën e parë iu afrua shumë golit ekipi mik ndërsa e dyta ishte një dominim total nga City edhe pse pati raste për të shënuar për vendasit.
Gjithsesi në fund një barazim pa gola që mund t’i jape Liverpoolit shansin që të shkurtojë në vetëm 1 pikë diferencën, sigurisht nëse do të mposhtë Arsenalin.
