Përfaqësues të Komisionit të Rithemelimit së Sali Berishës kanë tentuar që të hyjnë në selinë e PD-së.
Në selinë e PD-së kanë shkuar demokratë, kryesisht nga njësia numër 8 në Tiranë. Ata kërkuan që të hapet gara për zgjedhje në Partinë Demokratike.
Mirëpo, dyert e selisë blu mësohet se kanë qenë të mbyllura. Në shenjë simbolike, përfaqësuesit e Komisionit të Rithemelimit kanë vendosur lule në derën e selisë të PD.
Indrit Hoxha i ka kërkuar Lulzim Bashës që të hapë partinë e të lejojë që të ketë zgjedhje në parti.
“Lulzim Basha është shkarkuar nga kryetari dhe detyra e tij është të largohet nga zyrat e PD, të dorëzojë logon që është marrë peng, të hapë garën për zgjedhje. Bashkimi i PD vjen vetëm nga vota. Blofet dhe fasadat që po luhen në selinë e konfiskuar të PD vetëm e dëmtojnë më shumë këtë forcë politike. Ky është vullneti i demokratëve dhe po këta anëtarë kërkojnë hapjen e procesit për të shkuar në një garë të barabartë”, tha Indrit Hoxha, përfaqësues i Komisionit të Rithemelimit.
Lideri historik i PD-së Sali Berisha ka dhënë mesazhin e bashkimit, sot në Ditën e Verës. “Mesazhi më i shkëlqyer bashkimi i demokratëve rreth botë së lirë”, u shpreh Berisha nga Elbasani.
