Roma ndalet në Udine por sa polemika nga vendasit qe paten shansin te fitonin sfiden duke shenuar te paret me Molina. Por ne minuten e fundit nje penallti e realizuar nga Pellegrini kthen gjithcka.
Paraqitje e dobet e djemve te Mourinhos dhe vetem Pellegrini i shpeton ne fund. Nje penallti e diskutuar sepse Shomurodov zhvendos Becao qe e prek topin me dore. Arbitri nuk ka dyshime dhe akordon 11-te metersh. Kapiteni nuk fal nga pika e bardhe.
Nje rezultat jo i merituar per Romen qe nuk eshte se bere ndonje gje. Nderkohe, Udinese meritonte me shume dhe nje tranverse shpetoi Rui Patricio qe ishte mposhtur nga goditja e Makengo.
Ndeshja nisi me një ritëm të kënaqshëm me të dyja ekipet që po luftonin për të gjetur golin që do të zhbllokonte rezultatin. Udinese pati shansin e parë të artë me Pereyra, por mesfushori nuk u tregua i qartë përballë portierit.
E njëjta situatë edhe për Romën me Tammy Abraham që nuk arriti dot të zhbllokonte rezultatin. Nga ana tjetër, Udinese gjeti edhe golin që i dha avantazhin në minutën e 15-të me anë të Molina. Një goditje me të majtën nga jashtë zonës, e bëri të pavlefshëm reagimin e Rui Patricio duke e nxjerrë topin nga fundi i rrjetës.
Roma ra disi psikologjikisht pas golit ndërsa në pjesën e parë dhe në fillimin e pjesës së dytë, Makengo do të rrezikonte edhe dy herë për Udinesen. Ekipi i Mourinhos u përpoq të jepte shenja jete duke mos u dorëzuar kurrë.
Athëherë kur pritej që ndeshja të përfundonte në favor të Udineses, gjyqtari akordoi një 11-metërsh për Romën.
Nga pika e bardhë u vendos kapiteni Lorenzo Pellegrini që mposhti portierin kundërshar dhe vendosi sërish ndeshjen në ekuilibër. Kështu të dyja ekipet ndanë nga një pikë, ndërsa Roma ngjitet në kuotën e 48 pikëve, po aq sa Atalanta.
Në ndeshjen tjetër mes Atalanta dhe Genoa gjithcka u mbyll ne barazim 0-0. I vetmi rast ku porta u rrezikua seriozisht ishte në minutën e 37 ku Luis Muriel iu afrua shumë pranë golit. Megjithatë, goditja e sulmuesit kolumbian u ndal nga shtylla.
Sakaq, në pjesën e dytë, ekipet ishin disi më të vendosura për të gjetur edhe golin e fitores. Do të ishte sërish Atalanta që do të rrezikonte e para me anë të Mario Pasalic.
Ky i fundit shpërdoroi një rast të artë shënimi edhe pse ishte shumë pak metra pranë portës kundërshtare.
Nga ana tjetër, Genoa kërkoi të surprizonte me anë të Mattia Destro. Sulmuesi italian i shpëtoi mjaft mirë mbulimit të mbrojtësave të Atalantës, por goditja e tij shkoi ngjitur me shtyllën.
Sportiello do të kthehej në hero për Atalantën pasi pak minuta më vonë do të mbante në lojë Atalantën. Morten Frendrup u gjend i vetëm përballë portierit të Atalantës, por ky i fundit ndali gjithçka.
Atalanta sakaq u përpoq të reagonte, por Hans Hateboer iu shtua listës së lojtarëve që u treguan të paqartë përballë portës.
Kështu, Atalanta vazhdon ecurinë e saj negative në Serie A dhe qëndrojnë në vendin e gjashtë në kuotën e 48 pikëve. Sakaq, Genoa vazhdon të qëndrojë në vendin e parafundit në kuotën e 19 pikëve.
Genoa ka kapur rekordin e Interit te Mancinit qe qendronte ne 30 vjet me 7 barazime radhazi. Kjo ishte hera e pare historise se Genoas qe barazon 7 ndeshje radhazi.
