Në protestat e zhvilluara ditët e fundit nuk janë kursyer as punonjësit e medias.
Jo të pakta kanë qenë rastet kur është denoncuar se Policia ka ushtruar dhunë fizike apo presion ndaj tyre.
Ka qenë Presidenti Iliri Meta i cili nëpërmjet një statusi në ‘’Facebook’’ ka reaguar në lidhje me këtë situatë shqetësuese.
‘’Skandal që meriton ndëshkim ligjor’’, e quan Meta këtë akt dhune të ushtruar gjatë protestës.
Meta gjithashtu falenderon gjithë gazetarët për raportimet e tyre dhe i bën thirrje të gjithë shqiptarëve të kthehen në gazetarë dhe të denoncojnë abuzimet e këtij lloji.
Postimi i plotë i Metës:
‘’Por nëse nuk do të kishte gazetarë çfarë duhet të ndodhte më keq?!
Duke i përgëzuar të gjithë reporterët për pasqyrimin me objektivitet të protestave qytetare, i inkurajoj të publikojnë me paanësi aktet e paligjshme.
I ftoj gjithashtu të gjithë qytetarët të “shndërrohen” në gazetarë dhe të denoncojnë abuzimet dhe dhunën e pajustifikuar, të papranueshme dhe të dënueshme të çdo punonjësi të Policisë së Shtetit.
Një BRAVO E MADHE për çdo gazetar dhe qytetar që nuk zmbrapset dhe frikësohet nga aktet e dhunës të pajustifikueshme, por i pasqyron ato me guxim’’,- shkroi Meta.
