Hetimi parlamentar për inceneratorët ishte kryefjalë e seancës së sotme plenare. Në fjalën e tij nga foltorja e Kuvendit, Lulzim Basha tha se komisioni hetimor faktoi aferën më të madhe korruptive me plehrat.
“Për dy javë me radhë, para agresionit rus ju keni dëgjuar me fakte atë që PD ka thënë tash 6 vjet. Keni dëgjuar me dokumente, duke marrë edhe nga mediat investigative, por edhe rrjete të hapura, përfshi dokumente financiare të parajsave fiskale. Janë mbledhur tre shokë, njëri ish anëtar i bandës së Lushnje, Mirel Mërtiri, Klodian Zoto e parafolësi (zv/kryeministri Ahmetaj) kanë shkuar te Rama i kanë thënë është ky biznesi i plehrave është me fitim. Po, i ka thënë ai sic e ka zakon, ecni. Kanë ndërtuar një skemë i ka dhënë urdhër mininistrit të parë, ai s’e zbatoi e ka hequr, më pas ka ardhur ministri i dytë e gjëra kanë shkuar fjollë. Të ndërtojnë inceneratorë për të djegur plehëra, e kanë parë reagimine PD e më pas kanë proceduar me fshehtësi. 17 vendime brenda 8 oëve që ti jepet dikujt pa garë brenda ditës mundësia të garojë e më pas nga taksat tuaja parapagesë, e të thuash s ka asgjë, e më pas i njëjti person të përfitojë 23 mln euro, e të thuash prap s ka asgjë jo normale e të gënjesh, me studimin e BB, ai është çmimi i plotë edhe i mbledhjes edhe i futjes në faza të konteinerëve nën tokë, por e vërteta për këta s ka rëndësi. Duke patur në krah heshtjen e gjatë të mediave,kanë menduar se mund t ia hedhin për të bërë sikur komisioni s ka ekizistuar. Sikur nuk është fakt që kreu i bashkisë ka kaluar me firmën e vet diçka që nuk ishte në kompetencën e tij. 430 mln euro, është gllabëruar nga një individ mirel Mërtiri. Është e pamundur që një njeri i vetëm i cili më pas lavdërohej si gjeni na u bë zgjidhësi i problemit të plehrave”, u shpreh Basha.
Basha foli për çështjen edhe në një prononcim për gazetarët jashtë Kuvendit. Ai e cilësoi një skandal që përmbys qeveri. Ndërsa për SPAK, e cilësoi një test.
Basha kërkoi nga prokuroria hetim të plotë. “Jo si gabim apo korrupsion i disa individëve, është një grup i strukturuar kriminal. S’mund të vepronte askush pa bekimin e Edi Ramës”, tha Basha.
