Agjencia Ndërkombëtare e Energjisë Atomike ka reaguar, pas shpërthimit të ndodhur në centralin bërthamor në Ukrainë.
Drejtori i Përgjithshëm i Agjencisë Rafael Mariano Grossi, shtoi se sulmet në termocentralin bërthamor të Zaporizhzhia nuk prekën reaktorët, por një ndërtesë “ngjitur”. “Është e rëndësishme të thuhet se të gjitha sistemet e sigurisë të gjashtë reaktorëve në termocentral nuk u prekën fare,” tha Grossi. “Nuk ka pasur asnjë lëshim të materialit radioaktiv.”
Ai deklaroi se situata “natyrisht vazhdon të jetë jashtëzakonisht e tensionuar dhe sfiduese për shkak të rrethanave”.
“Këtu duhet të theksoj për momentin se dhoma e kontrollit është staf thjesht ukrainas që drejton operacionet atje,” tha zoti Grossi.
Më herët, zyrtarët ukrainas thanë se termocentrali bërthamor ishte nën kontrollin rus. Grossi thotë se ka në plan të udhëtojë në Çernobil – i cili është nën kontrollin e Moskës – “sa më shpejt të jetë e mundur” për të biseduar me Rusinë dhe Ukrainën.
Po ashtu, ai ka konfirmuar se sulmi mbi centralin bërthamor ishte bërë nga pala ruse.
