Tirana është absolutisht e pandalshme pasditen e sotme ndaj Laçit në sfidën që po zhvillohet në “Air Albania”.
Bardheblutë kryesojnë me rezultatin e thellë 4-0 teksa sapo është mbyllur pjesa e parë e takimit. Ekipi I drejtuar nga Orges Shehi hapi serinë e golave në minutën e 5-të me anë të Xhixhës teksa goditën sërish kurbinasit me anë të Najdovskit duke dyfishuar shifrat në minutën e 19-të.
Ndërkohë vetëm 9-të minuta më pas kryeqytetasit trefishojnë shifrat me Seferin që i bashkohet festës.
Goli i katërt që njëkohësisht shuan shpresat e miqve për një rezultat pozitiv u shënua në minutën e 43-të. Xhixha i merr kohën Roganoviç pas Hoxhallarit dhe shpërthen përsëri në krahun e majtë. Ai shfaqet para Dajsinanit dhe nuk e ka të vështirë ta mposhtë.
