Kryetarja e Komisionit për Politikën e Jashtme, Mimi Kodheli deklaron se Shqipëria dënon sulmin e Rusisë ndaj Ukrainës.
“Sulmi për pushimin e Ukrainës nga Rusia kërkon t’i imponojë botës, parimin se i forti ka të drejtë. Kjo është absolutisht e papranueshme. Shqipëria dënon në terma më të ashpër sulmin e Rusisë ndaj Ukrainës sikurse edhe qeverinë Bjellorusisë për mundësinë e këtij sulmi. Shqipëri mbështet integritetin territorial të Ukrainës”, u shpreh Kodheli në një deklaratë për mediat.
Ajo nënvizoi se Shqipëria do qëndrojë përkrah popullit të Ukrainës dhe presidentit të saj, parlamentit dhe presidentit të Ukrainës.
“Mendimet tona janë dhe shkojnë tek të gjithë familjet e viktimave dhe të plagosurve të popullit ukrainas. Ne dënojmë fuqishëm vendimin e Rusisë për të zgjeruar njohjen e rajoneve separatiste të Ukrainës Lindore dhe i bëjmë thirrje Rusisë të tërhiqet nga rruga dhunës dhe agresionit”, u shpreh ajo.
