Nga Boldnews.al
Dy shtetas rusë dhe një ukrainas ngritën në këmbë sigurinë e Shqipërisë, pasi u pikasën duke fotografuar nga jashtë Uzinën Mekanike Ushtarake në fshatin Çekinë të Gramshit.
Mikhail Zorin e Svetlana Timofoeva nga Rusia, të moshës 24 dhe 33 vjeç dhe një ukrainas 25-vjeçar i identifikuar me inicialet F.A dyshohen se ka kryer veprimtari subversive kundër interesave të shtetit shqiptar dhe në favor të një “fuqie të huaj jo mike”.
Por, jo vetëm kjo “celulë spiunazhi”, nëse vërtetohet që është e tillë, por edhe çdo spiun vendas apo ndërkombëtar nuk ka nevojë që të udhëtojë drejt fshatit të Gramshit e të krijojë incidente me rojet ushtarake të objektit në degradim e sipër.
Për të përmbushur trillin e tyre për informacion, mjafton që të kryejnë një kërkim në thjeshtë në internet dhe gjejnë informacion të bollshëm për Uzinën Mekanike të Gramshit.
Me foto e video. Të mundësuara as më pak e as më shumë, por nga vetë Ministria e Mbrojtjes Shqiptare.
Në faqen e internetit të kësaj ministrie, por edhe në kanalin zyrtar të saj në “Yuotube” gjendej foto e video nga Uzina Mekanike Ushtarake e Gramshit.
Fotot dhe videot shoqërojnë një njoftim zyrtar mbi vizitën e ish-ministres së Mbrojtjes, Mimi Kodheli, në vitin 2014.
Më poshtë është link-u i videos në youtube dhe pamjet e brendshme nga Uzina Mekanika e Gramshit
