Analisti Armand Shkullaku, i ftuar në emisionin “Të Paekspozuarit” në MCN TV, foli për Komisionin Hetimor të Inceneratorëve, duke deklaruar se ky Komision bëri një punë të mirë dhe se arriti të kapë në gënjeshtër Erion Veliajn, pavarësisht se pati disa porbleme me strategjinë, për shkak të vështirësisë për të paraqitur sa më thjeshtë aferën, për publikun.
“Kemi dy gjëra, gjykimin për Komisionin dhe gjykimin për aferën.
Nga pikëpamja teknike, strategjike, Komisioni pati disa të meta. Kjo, jo për shkak se donte të bënte spektakël, por do një lloj aftësie dhe strategjie për ta përmbledhur një aferë kaq të madhe.
Mendoj se zonja Tabaku dhe anëtarët e tjerë të Komisionit bënë një punë shumë të mirë. E kam parë Ramën dhe në studio televizive, që nuk dinte si të mbronte një aferë që është afera korruptive më e madhe e 30 viteve të fundit. Rama merrej me cic-mice dhe kuptohej që ishte nje kryeministër në hall. Do të mjaftontë sikur SPAK të shpëtonte nga kontrolli politik dhe e gjithë qeveria thërrmohet.
Kemi sot në 70 kilometra distancë, 3 inceneratorë që mund të djegin gjithë plehrat e Evropës dhe asnjë nuk punon.Po ta shohësh trekëndëshin, Elbasan -Tiranë-Fier, janë tre inceneratorë në një hapësirë të vogël. Mund të mjaftontë një, që të digjte edhe plehrat e Kosovës dhe Maqedonisë.
Mendoj se kanë bërë punë shumë të mirë, nuk është pak që një propagandist par excellence, si Veliaj, ta kapet duke gënjyer. Nuk është pak që të kapësh Erion Veliajn në gënjeshtër. Rama nuk u kap në gënjeshtër, sepse ai nuk ka firmë.
E vetmja gjë që unë kam dyshim, është që pasi ka bërë punë kaq të mirë, PD, fraksioni i vulës nuk do të jetë në gjendje që kësaj punë t’i shkojë deri në fund.
E tregon që është aferë, por pastaj cfarë do të ndodhë? Nëse voton vettingun e një drejtësie që ke thënë është e kapur, është nonsense.
E quaj një nga aferat më të mëdha dhe do të mjaftonin tre-katër pika për t’ja bërë të qartë njerëzve.
Janë ndërtuar tre inceneratorë, asnjëri nuk është në punë”, tha Shkullaku në TPZ.
