Beatrix Ramosaj ka konfirmuar ndarjen nga Donald Veshaj. Historia e tyre nisi në shtëpinë e “BBV” ku këngëtarja hyri mes Donaldit dhe Bora Zemanit e kështu u formua një trekëndësh që u komentua e kritikua nga shqiptarët anë e mbanë botës.
Lidhja e tyre ka patur shumë ulje e ngritje, por mbrëmjen e djeshme mori goditjen e fundit. Në festën e organizuar nga “BBV” dyshja nuk u afruan me njëri-tjetrin. Donaldi u pa duke kënduar këngën dedikuar Bora Zemanit, e më pas Beatrix u largua e mërzitur nga festa.
Pak momente më parë Beatrix ka reaguar në rrjete sociale dhe ka konfirmuar ndarjen nga Donaldi duke e thumbuar aktorin. Ajo madje ka fshirë nga lista e saj e ndjekësve Donaldin së bashku me të vëllanë, Romeon.
