Ambasadorja amerikane Yuri Kim u ka drejtuar një mesazh publik kandidatëve të koalicionit “Shtëpia e Lirisë” për zgjedhjet e pjesshme lokale të 6 Marsit.
Përmes një postimi në rrjetin social Twitter, Kim shprehet se “sponsorizuesi kryesor i juaj është dikush i shpallur non grata për korrupsion domethënës”.
“Pyetje për kandidatët: Nëse sponsorizuesi kryesor i juaj është dikush i shpallur “non grata” për korrupsion domethënës, çfarë po u premtoni votuesve saktësisht? Kush do të jenë pronarët juaj nëse fitoni dhe çfarë detyrimi do të keni kundrejt tyre? Çfarë duhet të presin shqiptarët? Çfarë duhet të presin Shtetet e Bashkuara”, shkroi Kim.
